Í dag er bjórdagur og ég er einmitt að sötra bjór núna og svo enn meiri bjór í kvöld en það kostar einmitt minna en 4300 kr! Annars hafði ég einkar gaman af því að lesa bloggið hennar Viktoríu. Ég get sagt það af eigin reynslu að hann Þorvaldur heyrði ekki neitt. Fólk er alltaf að segja að ég tali of hátt um ýmisleg málefni þegar þau sjálf eru viðstödd sem ég er ekki sammála og hef komist að því að dómgreind annarra í sambandi við þessalags er kolbrengluð. Svo fékk ég skemmtilegan tölvupóst um daginn. Það var frá honum Justin sem hafði rekist á síðuna mína um Jón Leifs og hann vildi að ég sendi honum Dettifoss og Orgelkonsertinn hans sem ég glaður gerði. Mér finnst þetta kúl og þá sérstaklega í ljósi þess að við erum báðir tvítugir að nema tónsmíðar. (Hann er reyndar að semja eitthvað verk fyrir fiðlu og segulband en tja..... )

Ég komst enn og aftur að skítlegu eðli rauðhærðra í dag þegar Haukur skutlaði mér og kvikindinu honum Manna heim. Að venju sat ég fram í vegna eldsnöggra viðbragða en þetta litla kvikindi, þessi ógeðslegi rauðhaus gat bara ekki látið mig vera. Hann hélt mér föstum á einhvern kjánalegan hátt og lamdi mig sundur og saman með vettlinginum mínum og fleira þar fram eftir götunum. Ég réðst svo á hann niðri í Mjódd en þar sýndi hann sitt rauðhærða eðli og réðst á mig til baka. Þetta er fyrir neðan allar hellur og er ég búinn að skrá hann í rauðhærðu sjálfsmorðsveitina sem fer fyrst til Færeyja til að undirbúa valdatöku mína þar!