Hann var nú hálfgert gubb og rugl landsleikurinn við Ástrali áðan í handbolta. Við unnum þá 55-15 en það sem mér finnst frekar fyndið er að þeir unnu sér rétt til þáttöku á HM fyrir Eyjaálfuna með því að vinna Ný Sjálendinga 51-7 að því er mér heyrðist.

Annars ákvað pabbi upp úr þurru að fara á The two towers núna í kvöld og þar sem mamma er með hita ákvað hann að bjóða mér og Snorra með sér núna klukkan átta. Ekki slæmt það. Ég næ reyndar ekki að klára að lesa kaflann í lífrænu efnafræðinni sem ég byrjaði á áðan en ég held nú að ég lifi það af.