Obbobobb
Alveg gleymdi ég hinum árlega Esjudegi Egils í ár. Ekki er þó öll von úti enn og mun ég ekki valda aðdáendum mínum vonbrigðum ef áhugi er fyrir hendi. Það er svaka stöff að tölta upp á topp. Hverjir vilja vera memm fljótlega?

Menningarsull
Tónleikarnir á Kirkjulistahátíðinni í Hallgrímskirkju sem ég átti verk á voru í gær og gengu vonum framar. Það voru þó nokkuð fleiri áheyrendur en ég átti von á sem var bara töff. Það var líka gaman að sjá hversu margir vinir sáu sér fært að mæta en þeir sem ekki komu mun ég hins vegar ekki heilsa næst þegar ég hitti þá. Eftir að tónleikunum lauk strunsaði ég með nokkrum gimpum niður að hafnarbakka til þess eins eiginlega að verða gegnblautur í dembunni sem skall á akkúrat þegar flugeldasýningin hófst. Ég fór heim og skipti um föt og fór svo í partý til Kristrúnar úber beibz og má finna myndir frá kvöldinu hér!

Það er fáránlegt að fá sér vatnsglas núna. Ég finn ekki fyrir því þegar glasið er komið að vörunum sem veldur því að vatnið sullast sem ég get með engu móti skynjað þar sem ég er svo dofinn í hökunni og kinnunum. Ég er ekki mjög þokkafullur eins og er og tala eins og sljótt mongó. . .

Hluti af líkama mínum var fjarlægður í dag og fleygt í ruslið. Það kostaði tæpar 9 þúsund krónur!

Karen frekjukrulla sendi mér nokkrar myndir og vídjó frá því að við vorum að gimpast á þýsku við Jensinn hennar og laumufrekjaðist til að fá mig til að setja þetta á netið. Þar sem vald hennar yfir karlmönnum er að eigin sögn algjört gat ég með engu móti fengið mit til að neita henni. Myndirnar eru hér og svo má nálgast vídjóin af misgáfulegum tilraunum okkar til að tjá sig okkur þýsku hér: vídjó 1, vídjó 2, vídjó 3, vídjó 4, vídjó 5, vídjó 6, vídjó 7, vídjó 8, vídjó 9.

Aftan á mogganum í dag er eftirfarandi fyrirsögn:

Vandkvæðum bundið að fá hágæðasvín

Þeysireið hönks um landið
Ég ferðaðist með foreldrum mínum um landið núna í vikunni og vakti ég og líkami minn mikla lukku hvert sem við fórum. Við keyrðum yfir Kjöl til Akureyrar sem er fallegasti bær sem ég hef komið í þrátt fyrir að vera yfirfullur af norðanfretum. Við gistum þar og kíktum síðan á Svartaskóg, fórum til Húsavíkur og skoðuðum Ásbyrgi, Hljóðakletta, Mývatn og Dimmuborgir áður en við komum til Egilsstaða þar sem við gistum. Á austurlandi var fólk áberandi ófríðara en gengur og gerist hér fyrir sunnan og sérlega það fólk sem fer þar í sund. Hér í Reykjavík er í gangi ágætis framtak þar sem smokkum er dreift ókeypis og væri við hæfi að dreifa hauspokum þarna fyrir austan. Einnig væri ráð að fólk þyrfti að uppfylla einhverjar lágmkars útlitskröfur áður en því er hleypt ofan í laugarnar. Fyrir austan kíktum við síðan á Borgarfjörð eystri, en þaðan er ég einmitt ættaður, Seyðisfjörð og Mjóafjörð auk Kárahnjúka. Myndir af mér og mínum líkama má svo nálgast hér!

Eglískt eftirmiðdegi
Ég var að koma heim af æfingu á verki sem ég skrifaði í sumar fyrir Unglistahátíð sem verður haldin í Hallgrímskirkju á menningarnótt 20. ágúst. Á sömu tónleikum verða m.a. flutt verk eftir Kjartan úr Sigur Rós og Hreiðar Inga (a.k.a. Hreisi pönk). Tónleikarnir byrja klukkan níu og standa yfir í um klukkutíma og er aðgangur ókeypis.

Þar sem æfinguna bar skyndilega að þurfti ég að fá frí í vinnunni og þar sem ég var byrjaður á vakt náði mamma í mig niður í álver og skutlaði mér á staðinn. Ég fór út úr bílnum á Hverfisgötunni og þurfti að drífa mig út enda nokkur umferð. Þegar ég var svo kominn út og mamma lögð af stað áttaði ég mig á því að ég hafði á einhvern óskiljanlegan hátt gripið handtöskuna hennar með mér. Ég hringdi strax í hana til að láta hana vita en síminn var auðvitað í töskunni. Þegar mamma var komin út í Kringlu áttaði hún sig á því að taksan væri horfin og hringdi í mig og sagðist vera að koma. Þegar hún var komin skaust ég út með töskuna og náði að rífa peysuna mína á hurðarhúninum. Símanum hennar hafði ég hins vegar stungið í vasann hjá mér og gat ég því ekki látið hana vita hvenær ég var búin svo hún gæti sótt mig. Ég þurfti því að taka strætó heim og lenti á mongó bílstjóra sem notaði flautuna oftar en góðu hófi gegndi auk þess sem hann geispaði óhóflega hátt. Pís ád . . .