Pleasure, pleasure!

31.10.01

Ég er búinn að vera sóði dauðans hvað varðar lærdóm í dag. Ég er að fara í stærðfræðiprófið á morgun og ég er kannski búinn að læra í svona hálftíma fyrir það. Shit!

Beggi er með athyglisverða kenningu um Þjóðarbókhlöðuna. Svo virðist sem flestir þeir sem hafa stundað hana nokkuð stíft séu komnir með einhverskonar pest. Má þar nefna hann sjálfan, Rabba, Sigga og mig.

30.10.01

Ekki það að ég hafi nokkurntíman tekið eitthvað mark á því sem þú segir Haukur, en ef svo hefði verið þá klúðraðir þú því gjörsamlega núna. Vil ég því nota tækifærið og benda öllum á að taka ávalt því sem Haukur segir með miklum fyrirvara.

Sá stórskemmtilegi atburður átti sér stað áðan að Maggi og Siggi skiptust á líkamsvessum. Ég hvet ykkur öll til þess að hafa samband við Magga og spyrja hann út í þetta enda var það hann sem byrjaði.

29.10.01

Hvað er málið með 13. kafla í eðlisfræði? Er hann að reyna að vera eitthvað sniðugur. Það er ekki langt í að ég maki líkama minn upp úr sojasósu, spreyi á mig ilmvatni frá mömmu og haldi svo nakinn niður í Húsdýragarð!

Vík frá mér Frontpage, verkfæri djöfulsins!

Þeim sem hafa verið iðnir við að ná sér í þætti í gegnum þráðlausa netið bendi ég á nýja þætti sem bróðir minn hefur verið að safna. Þeir heita Invader Zim, gerðir eftir sýrðum teiknimyndasögum, og virka nokkuð kúl. Ég er reyndar bara búinn að horfa á einn þátt en mér fannst hann nokkuð góður. Fílingurinn í þessum þáttum er ekki ósvipaður og ef Tim Burton færi að búa til teiknimyndir. Svo er upphafsstefið helvíti flott líka. Hver þáttur er aðeins um 10 mínutur að lengd.

Það er alveg stórhættulegt að opna forritið Frontpage sem er í xp office pakkanum. Ég er búinn að eyða núna miklu meiri tíma en ég ætlaði mér í að hann nýtt útlit á síðuna mína. Það er svo einfalt að nota þetta. Algjör snilld!

28.10.01

Þá er Guðný Hlín komin á netið með síðu sem hún hannaði barasta sjálf og finnst mér hún bara helvíti kúl hjá henni. Hún mætti þó kannski endurskoða stöðu ljóta kallsins neðst á síðunni af fagurfræðilegum ástæðum.

Annars fer að líða að því að ég taki tenglasafnið mitt í gegn sökum subbuskaps sumra síðueiganda. Þeir taka þetta til sín sem vilja.

Ég er búinn að vera svo mikill sóði yfir þessa helgi að hálfa væri nóg. Þetta er alveg hrikalegt og ég held ég hreinlega verði bara að refsa mér á einhvern subbulegan hátt fyrir þessa leti. Allar hugmyndir eru vel þegnar.

Góðan daginn veröld!
Ehh. . . . Ég er svona að skríða á fætur núna og mig hryllir við því sem bíður mín. Atburðir gærkvöldsins voru sennilega ekki til þess að bæta námsgetu mína í dag. Það var þó það gaman í gær að ég sé ekki eftir neinu. Við fórum í afmæli til Sveinbjörns þar sem glæsilegar veitingar voru til boða og þaðan til Ágústu þar sem helvítið hann Maggi neyddi í mig Whisky. Það er nú meiri djöfulsins viðbjóðurinn og batnar sennilega ekki þegar það er staupað. Frá Ágústu fórum við Viktoría, Haukur, Maggi, Beggi og Hrund niður í bæ þar sem við dönsuðum svo eins og kjánar langt fram á nótt. Menn voru misdrukknir :)

27.10.01

Mér bárust eftirfarandi skilaboð í gestabókina mína:

Nafn: Ágúst
Heimasíða: http://agflyg.tripod.com
Skilaboð: Hvernig nennirðu að velta tenglasafninu þínu svona mikið fyrir þér, þú skrifar varla um annað!


Ástæðan er sú að þetta tenglasafn skiptir SVO marga SVO miklu máli og ég fjalla bara um hluti á minni síðu sem skipta máli! Skynja ég annars einhverja öfundsýki þar sem þín síða er ekki hinna á meðal?

Ég er núna að rembast við að læra textann við Sunday bloody sunday sem Maggi skipaði mér að læra fyrir djammið í kvöld. Það gengur ekkert alltof vel. Kannski hefði ég átt að byrja fyrr.

Á meðan ég man. Tónleikum sinfoníunnar þar sem hún spilaði með Botnleðju og Quarashi verður útvarpað eftir fjögur fréttir á morgun á Rás eitt.

Ég fór á hryllingsmyndina The Others í gær og fannst hún bara nokkuð góð. Þar sem þetta er þannig mynd að best sé að vita sem minnst um hana þá ætla ég nú ekki mikið að vera að tjá mig um hana. Ekki fara samt á hana með því hugarfari að hún sé eitthvað geðveik eins og ég gerði.

Það eru bara þrír sem hafa gerst það almennilegir að skrifa í gestabókina mína síðan ég af auðmýkt bað síðugesti mína um það. Það eru Gulli, Viktoría og Mr. Throbbing hver svo sem það nú er.

Mig dreymdi í nótt að ég hefði farið á Lord of the rings myndina og fundist hún léleg. Það var ekki góð tilfinning.

Þórir, ástæðan fyrir því hvursu lengi þú þurftir að húka í óæðri tenglunum hjá mér er einfaldlega sú að ég var að kenna þér lexíu. Það þýðir ekkert að stunda svona sóðalegan aumingjaskap og reyna svo að fría sig allri ábyrgð með einhverju veikindatali.

Ég á ekki orð! Erla er bara með hótanir. Hún verður að átta sig á því að það er miklu mikilvægara fyrir hana að hafa tengil á minni síðu en fyrir mig að hafa tengil á hennar síðu. Þar að auki finnst mér það lélegt af henni að hóta mér þessu í ljósi þess að ég sem síðustjóri Hauks (titill sem hann þröngvaði upp á mig) sé ekki búinn að koma upp tengli að hennar síðu hjá honum. Það sem máli skiptir er að ég er með link að hennar síðu hjá mér!

Auk finnst mér vafasamt að Erla sé í raun í Noregi. Takið eftir því að greinar hennar sem eiga að vera skrifaðar þaðan eru allar með íslenskum stöfum.

Eins og þið hafið kannski tekið eftir, þá er ég kominn með svona pop-up glugga fyrir auglýsinguna sem var áður á aðalsíðunni. Ég veit að ég er ekki alveg samkvæmur sjálfum mér þar sem ég hef margoft vælt í Sigga yfir því hvað mér fyndist þetta óþægilegt hjá honum. Málið er að þetta er bara miklu flottara svona og það er líka um að gera að vera kúl!

26.10.01

Kellingar væla út um allan heim
Hvernig skiljið þið eftirfarandi texta? Er þetta skrifað af einhverri belju sem er að væla yfir því hvursu mörg neikvæð orð eru kvenkyns?

Tað undrar meg, at so nógvar plágur eru kvennkynsorð; orkan, tora, lús, sjúka, øvundsjúka, yvirvekt og so plágan sjálv. Plágur hava tað við at herja á heilt óvæntað, tær kunnu koma nær og hvar sum helst. Henda plágan, sum eg tosi um, er eisini allastaðni; á konsertum, til sjónleik, á fjalli, á floti, til fyrilestrar, á fundum, ja, tær ganga eisini í kirkju. Í mun til omanfyrinevndu kvennkynsplágur er hendan tó menniskjaskapt, ikki serliga gomul og hon gerst minni og minni í stødd í takt við, at plágan gerst størri og størri í útbreiðslu

25.10.01

Mér fyndist það ekki úr vegi að þið skrifuðuð svo í gestabókina hjá mér eins og góðum gestum sæmir. Samt ekki eitthvað rugl, því engum finnst gaman að lesa það og því verður eytt!

Ullabjakk, hráki og gubb!
Það hefur nú löngum verið svoleiðis að smásálir og aumingjar sem þjóðfélagið hefur að háði og spotti af eðlilegum og fullgildum ástæðum stofni með sér einhvers konar samtök þar sem viðbjóður hittir viðbjóð, þeim sjálfum til uppbyggingar. Hér er dæmi um slíkt og vil ég vara viðkvæma við þessu.

Ég labbaði niður að Lækjartorgi eftir strætó áðan því ég nennti ekki að bíða í korter eftir 111 hjá Þjóðminjasafninu. Auðvitað missti ég svo af honum við Lækjartorg þannig að ég hafði þá lítið annað að gera en að labba um miðbæinn í þann hálftíma sem ég þurfti að bíða eftir næsta vagni. Klukkan var þá tæplega átta og 90% af því fólki sem ég mætti voru útlendingar. Lítil rúta af þýskum konum, subbulegir Bretar og fáfróðir Kanar. Mér þótti þetta frekar skrítið. Ég hélt að þetta lið væri farið heim.

24.10.01

Það má nú vel misskilja pistilinn hér fyrir neðan en ástæðan fyrir þessu er að edit takkinn á bloggernum rann saman í link sem ég skrifaði þar inn og tja. . . . .

Nýr bloggari!
Nú hefur Magga bæst í hóp bloggara sem samanstendur af eðalpennum fyrir utan

Hvað ertu að segja um John Speight Haukur? Þú veist að ástæðan fyrir því að tók ekki mark á þér er ömurlegur persónuleiki þinn og skítlegt eðli. Auk þess varstu að ýja að einhverjum slagsmálum. Þú ert hallærislegur og það styttist í að ég taki heimasíðuna þína út af netinu.

Áhrifamáttur minn getur komið jafnvel mér á óvart. Þórir hefur ákveðið að setja síðuna sína í gang aftur og það tók ekki langan tíma eftir að hann áttaði sig á því að hann væri kominn í óæðri tenglana hjá mér. Honum verður kippt þaðan innan skamms.

Svo bregðast krosstré sem önnur tré!
Mikið afskaplega þykir mér skrítið að næstæðsti vefguðinn sem veitir fólki næstmestu ánægjuna með skrifum sínum hefur bara ekki gert neitt af viti í langan tíma. Mér finnst það vera skylda mín að færa tengilinn að síðunni hans niður í óæðri tengla og setja þar með gríðarlegan þrýsting á hann til að virkja síðuna sína á ný. Þetta mál er allt hið sóðalegasta.

23.10.01

Þá skíthællinn hann Maggi loksins kominn með síðu enda fyrir löngu kominn tími til. Hann særði þó tilfinningar mínar með harðorðum pistli um mig og mína persónu. Ég er alls ekki sammála þessu. Ég er orkubolti!

Ég er latur í dag. Ég nenni ekki neinu og mér finnst allt vera ömurlegt nema ég og líkami minn. Annars fór ég inn á æfingu hjá Sinfoníunni þar sem æfing stóð yfir á aðalstefinu úr Mission Impossible. Það var ekki slæmt.

22.10.01

Hún Viktoría hefur nú bæst í hóp hinna æðri bloggara. Vefsetur hennar er nú hýst á tripod.com eins og eðalsíðum sæmir.

Jæja Þórir. Hérna kemur þetta loksins og þá þú væntanlega líka. Njóttu vel.

Úbbs!
Þórir verður að bíða spenntur í orðsins fyllstu merkingu enn um sinn því það mistókst hjá mér að setja inn linkinn að stöffinu sem honum finnst svo hot. Ég þarf bara að tala við Snorra bróður minn aftur og þá getur Þórir losað um spennuna eins og honum er einum lagið

21.10.01

Þeir sem geta lánað mér Office 2000 pakkann mega vinsamlegast senda mér póst.

Mig hryllir við tilhugsuninni um næstu eðlisfræðiskýrslu og ekki minnkaði andlegt ógeð mitt á henni þegar ég frétti hvað Siggi og Viktoría eyddu miklum tíma í hana.

Hér er skemmtileg grein sem birtist í norska dagblaðinu Aftenposten fyrir nokkrum árum. Norðmenn hafa eins og kunnugt er verið duglegir að eigna sér það sem íslenskt er og þá sérstkalega Snorra Sturluson og Íslendingasögurnar. Í þessari grein tekur Eyjólfur Kjalar Emilsson upp hanskann fyrir Íslendinga og segir Normönnum hvað er satt og rétt í þessum málum. Mér fannst mjög gaman að lesa þessa grein enda hefur stelsýki Norðmanna ætíð farið í taugarnar á mér.

20.10.01

Ég var í afmæli hjá Hrund í gær og skemmti mér alveg konunglega. Tekíla var teigað í stórum stíl og fór það misvel í fólk þegar leið á kvöldið. Við fórum svo á Sportkaffi og vorum þar fram eftir nóttu. Annars var skemmtilegt að sjá hvað Viktoría var í miklu stuði þrátt fyrir að vera bláedrú.

19.10.01

Hörmungar, hungur og dauði!
Ég er nú bara að pæla hvort fólk viti almennt af verkfalli tónlistarkennara sem skellur á núna á mánudaginn. Þetta verður örugglega langt og blóðugt sem er ekki gott.







Þá er enn ein bloggsíðan búinn að bætast í hópinn og ég veit um að minnsta kosti tvær aðrar sem eru í vinnslu. Það er engin önnur en Erla Margrét sem er búin að koma sér upp glæsilegu vefsetri og ég ætla að vona að hún verði nógu dugleg til þess að tolla í tenglasafninu mínu sem er eftirsótt viðurkenning.

Jeremías! Hvað er að gerast með Begga. Er hann hægt og rólega að breyta síðunni sinni í það form sem hann hefur alltaf stefnt að? Ég á nú þó von á því þar sem nei hefði verið hallærislegt svar við þessari spurningu.

Annars þykir mér ákaflega vænt um litlar og góðar stuðningsyfirlýsingar af þessu tagi hér. :) Lifi síðueigandinn!

18.10.01

What the fucking fuck?
Hvað er málið með veðrið? Það er 16 stiga hiti úti sem myndi nú bara teljast meira en þokkalegt á miðju sumri. Ég og Guðný fórum því niður í bæ og fengum okkur ís í blíðunni og horfðum á endur. Svo hitti Guðný einhverjar stelpur og fór að kyssa þær. Maður fer nú að velta ýmsum hlutum fyrir sér. . . . . . . .

En núna þarf ég að fara að forrita með gleði í hjarta.

Öfundsýkin skín útúr skrifum Sigga, Begga og Hauks af þeirri lágkúru sem þeim einum er lagið. Af einhverjum ástæðum, reyndar augljósum, finnst þeim gríðarlegt síðuveldi mitt ógna þeim á einhvern hátt og einbeita þeir sér því að varpa skugga á hana með skrifum sem eru í raun aðeins þeim til skammar og eilífrar háðungar.

17.10.01

Ingibjorn is quite the piggy!
Ég vildi bara vekja athygli ykkar á glæsilegu vefsetri Ingibjörns sem hann hefur setið sveittur við að hanna undangengnar vikur. Maður getur nú ekki annað en dáðst að þessari frumlegu útfærslu hans en greinilegt er að hér er listamaður á ferð. Tenglaskiptingin hjá honum þykir mér bráðsniðug og á hann hrós skilið!

Það er alveg ótrúlegt hvað það var þægilegt að fara á Kaffibrennsluna í dag og slappa af með bjór í hönd. Það sem átti að vera einn bjór varð að tveimur og það skal bara segjast eins og er að ef annar hefði bæst í hópinn, þá hefði ég nú ekki lært mikið í kvöld. Við Magga vorum þó sammála um að þetta væri eitthvað sem við þyrftum að gera miklu oftar.

Ákveðinn aðili er ekki að standa sig eins og sést greinilega á tenglasafninu mínu.

16.10.01

Ég heyrði í subbukana áðan talandi í símann hér á Þjóðabókhlöðunni segja:

The cellphones here are quite big. Everyone is running in and out.

Mér finnst þetta furðulegt orðalag. Burtséð frá því er þetta alveg rétt. Það er enginn friður fyrir þessum símum. Það er þó ekki þeim að kenna að námsgeta mín í dag var ekki upp á marga fiska. Ætli hún hafi ekki verið svipuð og hjá þokkalega gefnum hana.

Ég er einum nanómetra frá því að rífa mig úr öllum fötunum, henda frá mér skólabókunum og maka allan líkama minn með sinnepi. Þessi algebra er algjör killer!!!

Er leitarsíðan google íslensk? Hún virðist stanslaust vera að færa út kvíarnar og er til að mynda komin inn á erlenda fréttavefi. Þeir sem vita eitthvað um málið mega alveg endilega

15.10.01

What the fuck?
Það er 14 stiga hiti úti núna! Mér virðist þó sem mér þyki það miklu merkilegra en öðrum í kringum mig.

Ég er að snappa!!!

Mér finnst það frekar lélegt hvað starfsfólkið hér á Þjóðarbókhlöðunni talar hátt þegar það er að afgreiða safngesti. Það mætti halda að það væri að gefa þau skilaboð að það sé bara allt í lagi að vera með læti. Svo mætti halda að þriðji hver maður hér væri af erlendu bergi brotinn. Mér finnst ég alltaf vera að sjá þesslags kvikindi hér og þau kunna eins og starfsfólkið ekki að haga sér.

Strætó var svo seinn að ég hélt að ég hefði misst af honum, og svo var ég rétt í þessu að horfa á hann koma. Svo er ekki einu sinni til kaffi hérna heima. Ég er að snappa!!!

14.10.01

Jæja, þá er ég nýkominn heim af tónleikunum þar sem ég fletti af guðs náð verki sem ég hafði aldrei heyrt í heildina. Það skal segjast eins og er að ég hefði alveg viljað kannast betur við það en þetta lukkaðist þó allt mjög vel. Ég er samt í nettu spennufalli núna og mér finnst eins og helgin sé að byrja enda var maður nú í prófi í gær og svo verklegri eðlisfræði í dag. Shit hvað mig langar í bjór!

Annars vil ég benda öllum á hvað Haukur er mikill skíthæll að svara ekki í símann þegar maður hringir í hann.

Bara svona í gamni aftur. Þeir sem eru ekki búnir að kjósa hér mega alveg endilega gera það.

Viktoría, ég er búinn að koma upp tengli að síðunni Html-goodies þar sem þú getur lesið þér til um allt sem þú þarft að vita. Svo er engin "saga" í kringum það af hverju ég kalla Sigga Snertil. Það eru bara nokkrar staðreyndir, aðalega ein þó. Hann er bara alltaf að snerta mig!

12.10.01

Tölvunarfræðipróf
Þeir sem vilja geta nálgast hér glósur sem ég setti saman úr fyrsta kafla í dag. Ég er ekki búinn að fara yfir þetta og ætla ekki að ábyrgjast að þetta sé allt rétt en ég á þó von á því að þetta sé vel brúkanlegt.

Mér fannst eiginlega hálfógeðslegt að heyra fréttirnar áðan um hugsanleg hryðjuverk í Bandaríkjunum á næstu dögum. Hvernig ætli Bandaríkjamönnum líði? Ullabjakk!

Sökum áframhaldandi snertisýki Sigga auk þess sem hann hefur ekki kippt linknum mínum á síðunni sinni í liðinn hef ég nú fært tengilinn hans aftur niður í óæðri tengla honum til háðungar. Sunnu hef ég og fjarlægt þangað til hún gerir aftur eitthvað af viti.

Haukur má svo endilega halda áfram að upphefja sjálfan sig á eigin kostnað.

Það er naumast hvað það þarf lítinn þrýsting á hana Sunnu til þess að hún falli saman í taugahrúgu. Og þó, það er kannski ekki hægt að kalla það lítinn þrýsting að þurfa að dúsa í óæðritenglunum hjá mér því þetta er náttúrulega megasíða, heimsótt af fólki víða um heim. Ég veit um að minnsta kosti tvær persónur sem eru byrjaðar að læra íslensku eingöngu til þess að geta lesið pistlana mína sem eru víst hreinasta snilld.

Annars finnst mér það nú óþarfi hjá honum Þóri að vera að pæla í svona brandarasmáatriðum. Þetta er engum til gagns og honum til ama.

11.10.01

Örlög Unnýjar!
Þetta er sennilega í síðasta sinn sem ég fjalla um Unnýju, geðveiku stökkmúsina mína. Eins og áður hefur komið fram hefur móðir mín dæmt hana til dauða fyrir að ráðast á annað afkvæmi sitt. Sökum þess að Unný hefur enn ekki gert frumburði móður minnar mein hefur henni verið gefinn sá kostur að ef hún getur fundið sér annað heimili þá fellur dauðadómurinn niður. Eins og allir vita, þá geta stökkmýs ekki tjáð sig og því hef ég ákveðið að koma fram fyrir hennar hönd.

Þeir sem vilja gera Unnýju hluta af lífi sínu skulu alveg endilega senda mér póst því hún fæst gefins og búrið með.

Þórir, ég skil ekki alveg. Hverju lauk Minni við?

Vitið þið af hverju það eru engir arabar í Star wars?

Af því að þeir verða ekki til í framtíðinni.

Nú verð ég sennilega ekki í rónni fyrr en seint á sunnudagskvöld Ástæðan fyrir því er að ég verð flettari á tónleikum Kammermúsíkklúbbsins næstkomandi sunnudag. Maður hefur nú svo sem gott af þessu. Þegar ég spurði píanókennarann minn hvernig ég ætti að verða klæddur svaraði hann strax: Þú átt ekki að vera flottari en ég!

Sumt er ekki svaravert!

Ég er fyrir utan sal eitt í Háskólabíói og var að koma af æfingu með sinfóníunni sem við Jónas og Siggi stálumst inn á. Maður þyrfti nú eiginlega bara að gera þetta að vana.

Það er allt í lagi að flytja fréttir, en það er annað mál að ljúga til um hvernig maður öðlaðist upplýsingarnar. Siggi lætur það líta út fyrir að hann hafi af tilviljun rekist á þessa frétt til þess eins að láta sjálfan sig líta kúl út, en í raun var það Svavar bróðir Möggu sem sagði honum frá þessu. Ég mæli með því að þið takið héðan í frá öllu sem Siggi segir með miklum fyrirvara.

10.10.01

Eins og til eru snertlar við línu, þá eru til snertlar við Egil og Siggi er einn slíkur. Því hef ég endurskoðað tengilinn að síðunni hans með það í huga.

Mér finnst sería númer tvö af Trigger happy TV ekki vera að gera góða hluti. Það vantar nýja brandara. Þetta er í rauninni bara endurtekningar og það er ekkert alltof gaman að horfa á svoleiðis. Ég mæli annars mjög með þessu fyrir þá sem ekki hafa horft á þetta áður.

Jæja, þá er ég búinn að breyta tenglunum hjá mér og búinn að fá meira en nóg af algebru í bili. Ég er farinn að fá mér að éta!

Og Beggi, ef þú kíkir hér í hægra hornið þá sérðu þar dagsetningu bloggsins sem alltaf hefur verið til staðar.

Nú held ég að tími sé kominn til þess að endurskoða tenglasafnið hjá mér. Það er alveg á hreinu að fólk eins og Haukur og Sunna eiga það ekki skilið að fá að vera í aðal tenglasafninu mínu ef litið er til afkasta þeirra núna undanfarið. Siggi hefur nú aðeins rumskað og er ég að endurskoða stöðu hans hér á síðunni.

Nú styttist óðum í hið óumflýjanlega sem er eitt það leiðinlegasta sem hægt er að gera en það er einmitt að klippa á sér táneglurnar.

9.10.01

Þetta rekstrarfræðiverkefni er nú ekki eins hrikalegt og það virtist í byrjun núna þegar maður er aðeins búinn að kíkja á það. Það breytir þó engu um að Siggi er síngjarn eiginhagsmunaseggur sem dregur allt sem best er til sín.

En núna þarf ég að fara og kíkja á yndislegu algebruna.

Maggi var svo elskulegur að bjóða mér, Manna og Hauki að borða á Friday´s í hádeginu. Starfsfólkið þarf víst að æfa sig fyrir opnunina og því var um 2000 manns boðið þangað í mat af því tilefni. Þetta var bara helvíti fínt, góður matur og góð þjónusta þrátt fyrir að búningarnir sem liðið var í hafi verið út í hött. Mér fannst frekar fyndið að í lýsingunni á staðnum sem við fengum stóð að starfsfólkið væri lífsglatt og "uppátækjasamt".

Allavena, eitt af því sem okkur var boðið upp á var kokteillinn Mudslide, en hann var þvílíkt góður. Ég fór því á stúfana og leitaði að uppskriftinni sem er því miður "top secret".

Hér eru nokkrar sóðamyndir fyrir Viktoríu og Sigga. Ef að Jónas er búinn að fá nóg af því að tantra Felix gæti hann haft gaman af þessu líka.

Þá er ég orðinn það sem á latínu kallast Hopstjorus Maximus í rekstrarfræðiverkefninu. Það kom mér svo sem ekki á óvart að Siggi hafi dregið að sér skemmtilegasta og jafnframt einfaldasta verkefnið og eftirlátið mínum hópi "verklagsreglur við framleiðslu" eða eitthvað álíka því. Mér er næst að henda honum algjörlega út af síðunni og minnast aldrei á hann aftur.

8.10.01

Þá er enn einn bloggarinn mættur á netið og það er engin önnur en Viktoría sem er búinn að opna stórglæsilegt nýtt vefsetur með teljurum og öllu. Þetta virðist þó ekki hafa gengið þrautalaust fyrir sig hjá henni.

Það ætti ekki að koma neinum á óvart að sjá hver er efstur á blaði í hennar tenglasafni. Í verðlaun fær hún að vera í aðaltenglasafninu mínu.

Stuðningsbréfunum er farið að rigna inn:

Ég vil lýsa yfir stuðningi mínum við gerræðislegar ákvarðanir þínar, í
tengslum við stéttaskiptingu vina þinna sem blogga. Lifi alræðið.

Strumpakveðjur :)
Þórir Hrafn Megabeib og Ofurstrumpur

Strumpurinn@hotmail.com
http://strumpurinn.tripod.com

Ég bíð enn eftir stuðningsbréfum frá Begga, Sunnu og Hauki, annars er aldrei að vita hvað gæti gerst.

Það er alveg ljóst að Talstöðin mín er að detta í sundur af ofnotkun.

Svo gleymdi ég alltaf að minnast á að eftir tvítugsafmælisveislu okkar Marinós í sumar varð frekar þunnur blár jakki eftir hjá mér. Hafiði því endilega samband við mig áður en það kviknar í honum af einhverjum óútskýranlegum ástæðum.

Þið sem ekki hafið kosið í könnuninni minni eigið enn kost á því. Þetta er gríðarlega spennandi.

Viðbrögðin hafa ekki látið á sér standa síðan ég skipti tenglasafninu mínu upp. Siggi hefur vaðið í hrikalega vanhugsaðar hefndaraðgerðir á sinni síðu. Hann er nefnilega búinn að minnka minn link og gera hann þar af leiðandi eftirtektarverðari og fýsilegri kost en ella. Ég hef ákveðið að láta sem ekkert sé eins og þroskuðum einstaklingi sæmir. Þar að auki er ég búinn að fá sendan haturspóst frá henni Siggu.

Manni virðist vera utanlands.

Nú sit ég á Þjóðarbókhlöðunni nettengdur með fartölvunni minni en þangað til núna hélt ég að það væri ekki hægt. Ég hef svo sem ekkert merkilegt að segja. Ég veit að Siggi er frekar ósáttur við að þurfa að dúsa í óæðri tenglunum hjá mér og hann er meira að segja búinn að hóta að fjarlægja mig úr sínu tenglasafni. Mér finnst það frekar fyndið. Þetta er eins og ef Færeyingar færu í stríð við Bandaríkin. (Þessi setning hefði haft meiri áhrifamátt fyrir mánuði síðan.)

Það er alltaf jafn gaman að missa af stæró! Ég get þó chillað aðeins núna með ólagandi kaffibolla í hönd sem gæti þó valdið því að ég missi af honum aftur.

Eins og þið hafið kannski tekið eftir hef ég skipt tenglasafninu mínu upp í tengla og svo óæðri tengla. Þeir sem lenda í seinna tenglasafninu eru einstaklingar sem ekki eru að standa sig á sínum síðum. Þeir sem hinsvegar eru að gera eitthvað af viti eru svo verðlaunaðir með því að fá að vera í hinu tenglasafninu mínu, en það lýsir velþóknun minni á þeim síðum og er í leiðinni ákveðin viðurkenning.

7.10.01

Ég er bara hæstánægður með gærkvöldið. Heima hjá Begga var rokna stuð og margt á döfinni og bar þá kannski hæst formleg opnun heimasíðu Hauks. Annars sátum við eiginlega bara að sumbli og flestir skelltu sér niður í bæ á eftir. Meira að segja ég.

6.10.01

Ég er nú bara að athuga hvort ég geti ekki örugglega troðið könnunum beint hér inn á bloggið. Svariði nú samt satt og rétt.





Ég get ekki sagt að ég geti farið í þetta afmæli í kvöld með jafn góðri samvisku og skipulagt var. Ég byrjaði að fikta í útliti síðunar í morgun og dagurinn hefur farið meira og minna í þetta dútl mitt. En það þýðir ekki að væla yfir því, ég vinn þetta bara allt upp á morgun. Og þó.....

Mér finnst Siggi nú vera að lýsa hálfgerðu frati í Hauk með því að vera ekki búinn að setja upp tengil að síðunni hans upp hjá sér. Þetta er svo sem ekki í fyrsta skipti sem hann sýnir öðrum vanvirðingu og dónaskap.

Jæja, þá held ég að örlög Unnýjar geðveiku stökkmúsarinnar minnar séu ráðin. Upp á síðakastið hefur orka hennar aðalega farið í að henda sem mestu sagi út úr búrinu sínu og það finnst mömmu ekki sniðugt. Alvarlegasta brot Unnýjar hingað til er þó ekki subbuskapurinn heldur heiftarleg árásargirni hennar. Í gærkvöldi réðust hún af miskunnarleysi á litla bróður minn og beit hann til blóðs. Dómarinn í þessu háalvarlega máli var mamma og dæmdi hún sakborninginn til dauða!

Ég er aðeins að fikta í templatinu hjá mér eins og er, þess vegna er þetta svona allt í rugli. Ég ætti samt eiginlega að hætta þessu og fara að læra.

Jæja, þá er skíthællinn hann Haukur loksins komin með síðu þó hann viti tæplega af því. Ég er búinn að dunda mér við þetta núna í tæpan klukkutíma og ég vona að hann komi til með að nýta sér þetta. Nú á Maggi bara eftir að bætast í hópinn en ég á von á að það gerist fljótlega.

4.10.01

Mikið afskaplega er ég sammála Begga í skrifum hans um Þjóðarbókhlöðuna. Þó fer nærvera útlendingana meira í taugarnar á mér en símanotkun þeirra sem stafar auðvitað af nærveru þeirra.

2.10.01

Mikið afskaplega finnst mér ég vera fyndinn núna, en í leiðinni er ég líka svolítill kjáni. Ég hefði auðvitað átt að hringja í Sigga eins og þið hin fíflin til þess að láta ekki koma upp um mig. Annars vil ég nú biðja ykkur öll afskökunar á þessum grikk mínum og láta ykkur vita að ég sé GEÐVEIKT eftir þessu.

Ég skil Sigga bara stundum ekki. Eftirfarandi texta náði ég í á síðunni hans:

Ég er náttla í skýjunum yfir því hvað fólk hefur loksins áttað sig á skepnuskap Egils karlsins og tekið þátt í krossferðinni gegn honum með því að kjósa mig í könnunni á síðunni hans.........loksins að fólk áttaði sig!!

Finnst honum gott að vera álitinn skíthæll af meirihluta þátttakenda?

Meðfylgjandi eru úrslit þessarar umræddu könnunar.